XLІІІ Міжнародна науково-практична інтернет-конференція

Адамзаттың игілігі үшін пәлсапаның теңіздей тұңғиығына батып, ар-ұжданның таза мөлдір бұлағының көзін аша білген, қазақ әдебиетінің абыз ақсақалы Шәкәрім Құдайбердіұлы шығармашылығының жаратылғанның тарихы мен адамшылық болмысының сақталуында атқарар орны ерекше.

Адам дүниетанымы кеңістікті танып-білуден басталады. Ал дүниені танып, ой арнасын кеңейту – философияның негізі. Шәкәрім кезінде қарапайым адамдық қатынас пен ар-ұят концепциясынан бастап, философияның да анығын танып, беймәлімді білдіруге әрекет жасады. Батыс пен Шығыс білімін өлеңдерінде тоғыстырып, қоғамға өзгеріс әкелетін ақын ойлары дер кезінде жазылғанымен, кешігіп жетті. Оған себеп, тарихтан белгілі, саяси тосқауылдар екені анық.