АНЪАНАВИЙ КИЙИМЛАРДА ҚАДИМИЙ ДИНИЙ ТАСАВВУРЛАР ВА АФСУНГАРЛИК

  Муяссар Тожиахмедова (Наманган, Узбекистан) |    Завантажити статтю

Тарихдан маълумки, кийимлар инсоният турмуш-тарзи тараққиёти билан чамбарчас боғлиқ тарзда юзага келган. Қолаверса инсоният тарихидаги илк энг муҳим ихтиролардан бири айнан кийимни ихтиро қилинганидир. Чунки инсониятни ҳайвонот оламидан унинг тафаккур қобилияти ажратиб турса, ушбу таффаккурнинг бир меваси либосдир. Қолаверса айнан кийим инсонларни ҳайвонот оламидан ажратувчи муҳим ташқи аломатлардан биридир.