МИНТАҚАДА МОНЕТАР СИЁСАТНИ АМАЛГА ОШИРИШНИНГ АСОСИЙ МАСАЛАЛАРИ

  Н.Г. Каримов, Ж. Э. Рахмонов, А.Т.Кенжабаев ( Ташкент, Узбекистан) |    Скачать статью

Ўзбекистон Республикаси мустақиллигининг дастлабки йилларидан бошлаб, олиб борилаётган самарали иктисодий сиёсат ва ислохотлар республика худудида барқарор монетар муҳитни яратишга асос бўлиб келмоқда. Ўтган 2014 йилда пул-кредит сиёсати Республика Марказий банки томонидан «Ўзбекистон Республикаси Марказий банки тўғрисида »ги Қонуни, «Монетар сиёсатнинг 2014 йилга мўлжалланган асосий йўналишлари» ва Вазирлар Маҳкамасининг 2003 йил 4 февралдаги «Пул-кредит кўрсаткичларини тартибга солиш механизмини такомиллаштириш чора-тадбирлари тўғрисида»ги Қарори талаблари асосида амалга оширилиб бормоқда. Бу борадаги ишлар давомида асосий эътибор, инфляция даражасини 6-7 фоизли мақсадли параметри доирасида бўлишини таъминлаш, юқори иқтисодий ўсиш суръатларини молиявий кўллаб-қувватлаш ва иқтисодиётдаги пул таклифини мақбул даражада ушлаб туришга қаратилган.